Breaking News

Home
LOCAL NEWS
THALASSERRY
ചാറ്റ് ജിപിടി “ലോകത്ത് തരംഗമാകുന്നു:- ടി ഷാഹുൽ ഹമീദ്

ചാറ്റ് ജിപിടി “ലോകത്ത് തരംഗമാകുന്നു:- ടി ഷാഹുൽ ഹമീദ്

By editor on April 7, 2023

0 90 Views

“ചാറ്റ് ജിപിടി “ലോകത്ത് തരംഗമാകുന്നു:-

ടി ഷാഹുൽ ഹമീദ്

സങ്കീർണമായ വൈജ്ഞാനിക നേട്ടങ്ങളും ഉയർന്ന തലത്തിലുള്ള പ്രചോദനവും സ്വയം അവബോധവും കൊണ്ട് അടയാളപ്പെടുത്തുന്ന മനുഷ്യന്റെ ഭൗതിക കഴിവാണ് ബുദ്ധി,ഇത് സ്വായത്തമാക്കുവാനും കീഴടക്കുവാനും ശാസ്ത്രം നിരന്തരം പരിശ്രമിച്ചു കൊണ്ടേയിരുന്നു,അവസാനം മനുഷ്യന്റെ ബുദ്ധിശക്തിക്ക് കിട പിടിക്കുന്ന രീതിയിൽ പുതിയ കൃത്രിമ ബുദ്ധി സംവിധാനം ലോകത്ത് പിറന്നു വീണിരിക്കുന്നു.മനുഷ്യനിർമ്മിത ബുദ്ധി മനുഷ്യന്റെ ബുദ്ധിയെ വെല്ലുന്ന രീതിയിൽ വളർന്നുവന്നു എന്നതിന്റെ തെളിവാണ് പുതുതായി രംഗത്ത് വന്ന ചാറ്റ് ജി പി ടി എന്ന സംവിധാനം. കൃതിമ ബുദ്ധി കൊണ്ട് ഉണ്ടാക്കിയ ചാറ്റ് ബോട്ടുകൾ ലോകത്തെ തിന്നുകൊണ്ടിരിക്കുന്നു.സാങ്കേതിക വളർച്ച അവിശ്വസനീയമായ രീതിയിൽ വളരുകയും, വളരെയേറെ ശക്തി സംഭരിച്ച് വെച്ചിരിക്കുകയും ചെയ്യുന്ന കാലത്താണ് ലോകത്തിന് പുതു വെളിച്ചം വീശി മനുഷ്യന്റെ നിലവിലെ ജോലി സങ്കല്പങ്ങളെയെല്ലാം നിഷ്പ്രഭമാക്കി യന്ത്രങ്ങൾ മനുഷ്യബുദ്ധിക്ക് വെല്ലുവിളി ഉയർത്തി നിൽക്കുന്നത്. മനുഷ്യന്റെ ജീവിതത്തെയും ജോലിയെയും മാറ്റിമറിക്കുവാൻ സർവ്വതല വ്യാപിയായിട്ടുള്ള ശാസ്ത്ര മുന്നേറ്റമാണ് ഇപ്പോൾ ഉണ്ടായിട്ടുള്ളത്.

എന്താണ് ചാറ്റ് ജി പി ടി:-

മനുഷ്യർ തമ്മിൽ ഇന്റർനെറ്റിലൂടെ സംസാരിക്കുന്നത് പോലെ ഒരേസമയം ഒട്ടനേകം ഉപയോക്താകളോട് തന്നതാനെ സംസാരിക്കുവാൻ കഴിയുന്ന പ്രോഗ്രാമാണ് ചാറ്റ് ജി പി ടി. മനുഷ്യന്റെ ഭാഷകളെ മനസ്സിലാക്കാൻ കഴിയുന്ന കൃത്രിമ ബുദ്ധിയിൽ അധിഷ്ഠിതമായ ചാട്ട് ബോട്ടുകളാണ് ചാറ്റ് ജിപി ടി യുടെ പ്രത്യേകത.ലോകത്തെ വിസ്മയിപ്പിച്ച വലിയ ഭാഷാ മാതൃകയാണ് ചാറ്റ് ജി പി ടി. സ്വാഭാവികഭാഷ ഇൻപുട്ടുകളോടുള്ള പ്രതികരണമായി മനുഷ്യനെപ്പോലെ എഴുത്ത് മനസ്സിലാക്കുവാനും പുറത്തുവിടാനുമുള്ള സംവിധാനം ചാറ്റ് ജി പി ടി യിലെ ചാറ്റ് ബോട്ടുകൾക്ക് ഉണ്ട് .വൈവിധ്യമാർന്ന വിഷയങ്ങളിൽ സംവദിക്കുവാനും ചോദ്യങ്ങൾക്ക് ഉത്തരം നൽകുവാനും ഉപയോക്താക്കളുമായി സംവദിക്കുവാനും സംഭാഷണങ്ങളിൽ ഏർപ്പെടാനും കഴിയുന്ന തരത്തിൽ വിത്യസ്ത മേഖലകളിൽ ചാട്ട്‌ ബോട്ടുകൾക്ക് പരിശീലനം നൽകിയിട്ടുണ്ട് .ലേഖനങ്ങൾ ,വെബ്സൈറ്റുകൾ ,പുസ്തകങ്ങൾ തുടങ്ങിയ നിരവധി അറിവ് മേഖലയിലെ വിവരങ്ങൾ സ്വന്തമാക്കുകയും വിവിധ ഗ്രന്ഥങ്ങളിലെ വിവര ശേഖരണത്തെ തുടർന്ന് മുൻ വാക്കുകളെ അടിസ്ഥാനമാക്കി ഒരു ശ്രേണിയിലെ അടുത്ത വാക്ക് എന്തായിരിക്കും എന്ന് പ്രവചിക്കുവാൻ കഴിയുകയും ചെയ്യുന്ന ഒരു യന്ത്രമായി ജി പി ടി സാങ്കേതികവിദ്യയെ ലളിതമായി സംഗ്രഹിക്കാം. ഗ്രാമർ തകരാറ് മനസ്സിലാക്കുവാനും ,ഭാഷ മാറ്റം നടത്തുവാനും ,വലിയ പ്രബന്ധങ്ങൾ തയ്യാറാക്കുവാനും ,സംഗ്രഹിക്കുവാനും ,കോഡിങ്ങ് ചെയ്യുവാനും ,മനുഷ്യനെപ്പോലെ ഒഴുക്കുള്ളതും വളരെ യോജിച്ചതുമായ പ്രതികരണങ്ങൾ നൽകുവാനും ,വിഷയം നൽകിയാൽ കവിത ,കഥ എഴുതുവാനും, മനുഷ്യന് സാധ്യമായ രീതിയിൽ ചോദ്യങ്ങൾക്ക് ഉത്തരം നൽകുവാനും ,വിവിധ ശൈലികളിൽ എഴുതുവാനും ,ചോദ്യങ്ങൾക്ക് മറ്റു അനുബന്ധ വിവരങ്ങൾ നൽകിയാൽ തൃപ്തികരമല്ലെങ്കിൽ വീണ്ടും ചോദ്യങ്ങൾ ചോദിക്കുവാനും ,അഭിപ്രായങ്ങൾ ,പ്രതികരണങ്ങൾ ,ലേഖനങ്ങൾ എഴുത്ത് ,ചോദ്യോത്തരങ്ങൾ ,വാചക ഘടന ,വൈകാരിക ഭാഷ കണ്ടെത്തൽ ,പട്ടിക തയ്യാറാക്കൽ ,വാചകങ്ങളുടെ തർജ്ജമ ,സാമൂഹ്യ മാധ്യമങ്ങളിലെ കുറിപ്പ് തയ്യാറാക്കൽ ,ഔദ്യോഗിക വിവരങ്ങൾ നൽകൽ എന്നിവയ്ക്കായി ചാറ്റ് ജിപി ടി യെ നമുക്ക് ഉപയോഗിക്കാം.

ചാറ്റ് ജി പി ടി ലോകം കീഴടക്കുന്നു:-

സ്വിസ് ബാങ്കിന്റെ അഭിപ്രായത്തിൽ ലോകത്ത് നിലവിൽ വന്ന ആപ്പുകളിൽ ഏറ്റവും വേഗതയോടെ ലോകത്തെ കീഴടക്കിയത് ചാറ്റ് ജിപി ടി യാണ് ,30 /11 /2022ന് തുടക്കമിട്ട ചാറ്റ് ജിപി ടി ക്ക് തിരിഞ്ഞു നോക്കേണ്ടി വന്നില്ല,ഗവേഷകരും ,യുവാക്കളും ,വിദ്യാർത്ഥികളും ,ടെക്കുകളും കൂട്ടത്തോടെ ജി പി ടി യിലേക്ക് കുടിയേറിയതോടെ നിലവിലുള്ള ഭീമൻ സെർച്ച് എഞ്ചിനുകൾക്ക് ശനിദശ ബാധിച്ചിരിക്കുന്നു .അഞ്ചു ദിവസം കൊണ്ട് പത്ത് ലക്ഷം ഉപയോക്താക്കളെ സൃഷ്ടിച്ച ചാറ്റ് ജി പി ടി അമേരിക്കയിലെ സംരംഭക സ്ഥാപനമായ ഓപ്പൺ എ ഐ ആണ് വികസിപ്പിച്ചത് ,37 വയസ്സുള്ള സാം ആൾട്ട്മാന്റെ ഉടമസ്ഥതയിലുള്ള കമ്പനി 2015 ൽ ആരംഭിക്കുമ്പോൾ ആഗോള ഭീമൻ ഇലോൺ മാസ്ക് സഹസ്സംരംഭകനായിരുന്നു ,തുടർന്ന് ലോകത്ത് ഏറ്റവും വലിയ ഐടി സ്ഥാപനങ്ങളിൽ ഒന്നായ മൈക്രോസോഫ്റ്റ് 20 കോടി അമേരിക്കൻ ഡോളർ സ്ഥാപനത്തിൽ മുതൽമുടക്കി എന്നത് ഭാവിയിലെ ലോകത്തിന്റെ കടിഞ്ഞാൺ കൃത്രിമ ബുദ്ധിയാകും എന്ന് മനസ്സിലാക്കിയത് കൊണ്ടാണ് ,കൂടാതെ മൈക്രോസോഫ്റ്റ് സെർച്ച് എഞ്ചിനായ ബിങ്കിനോട് ചാറ്റ് ജിപി ടി യെ സംയോജിപ്പിച്ചതും ,മൈക്രോസോഫ്റ്റ് ഓഫീസ് ആപ്പിൽ ഉടൻ തന്നെ ചാറ്റ് ജിപി ടി യെ ചേർക്കുമെന്ന് പറഞ്ഞതും ഭാവിയിലെ സാധ്യത മുൻകൂട്ടി കണ്ടു തന്നെയാണ്.
മൊബൈൽ ഫോൺ 10 കോടി മനുഷ്യരിൽ എത്താൻ 16 വർഷം വേണ്ടിവന്നുവെങ്കിൽ ,ജിമെയിലിന് പത്തു കോടി ഉപയോക്താക്കളെ സൃഷ്ടിക്കുവാൻ അഞ്ചുവർഷം വേണ്ടിവന്നുവെങ്കിൽ ട്വിറ്ററിന് പത്തുകോടി വരിക്കാരിൽ എത്താൻ ആറുവർഷം വേണ്ടിവന്നുവെങ്കിൽ ഫേസ്ബുക്കിന് പത്തു കോടി ഉപയോക്താക്കളെ ലഭിക്കുവാൻ നാലുവർഷം വേണ്ടിവന്നുവെങ്കിൽ വെറും രണ്ടുമാസം കൊണ്ടാണ് 10 കോടി ഉപയോക്താക്കളെയാണ് ചാറ്റ് ജി പി ടി സൃഷ്ടിച്ചത് ,ലോകത്ത് വിവാദങ്ങൾ ഉണ്ടാക്കിയതും യുവാക്കളുടെ ഇടയിൽ ഹരമായി മാറിയതുമായ ടിക്ക് ടോക്ക് 10 കോടി ഉപഭോക്താക്കളിൽ എത്താൻ 9 മാസം എടുത്തു എന്നത് കൂടി ചേർത്ത് വായിച്ചാൽ ചാറ്റ് ജിപിടി ലോകത്ത് വിസ്മയമാണ് സൃഷ്ടിച്ചു കൊണ്ടിരിക്കുന്നത്. മനുഷ്യ ഭാഷ പെട്ടെന്ന് മനസ്സിലാക്കുവാനുള്ള ചാറ്റ് ജി പി ടി യുടെ കഴിവ് ലോകം നെഞ്ചിലേറ്റിയതോടെ അലാവുദ്ദീന്റെ അത്ഭുതവിളക്കായ ഗൂഗിളിന്റെ അപ്രമാദിത്യം അസ്തമിക്കാൻ തുടങ്ങിയിരിക്കുന്നു .ലോകത്തിലെ അറിവിന്റെ 97% വും ഡിജിറ്റലായി സൂക്ഷിച്ചകാലത്ത് മനുഷ്യർ ഗൂഗിളിൽ പോയി ഓരോ കാര്യവും പരിശോധിച്ച് സമയം കളയുന്നതിന് പകരം chat.openai .com എന്ന വിലാസത്തിൽ കയറി ഓപ്പൺ എ ഐ അക്കൗണ്ട് ആരംഭിച്ച് വിസ്മയ ലോകത്ത് പ്രവേശിച്ച് എന്തറിവും സമഗ്രതയോടെ നൊടിയിടക്കുള്ളിൽ ലഭ്യമാക്കാനുള്ള പുതിയ സംവിധാനം ലോകത്ത് ഹരമാണ് സൃഷ്ടിച്ചു കൊണ്ടിരിക്കുന്നത് .ഇപ്പോൾ ചാറ്റ് ജി പി ടി സംവിധാനം സൗജന്യമാണെങ്കിലും ഫെബ്രുവരി മാസം മുതൽ പണം കൊടുത്ത് ഉപയോഗിക്കുന്ന ചാറ്റ് ജി പി ടി പ്ലസ് പുറത്തുവന്നിട്ടുണ്ട് ,25000 വാക്കുകൾ ലഭ്യമാക്കുകയും സംസാരം തിരിച്ചറിയുന്ന സംവിധാനവും ചിത്രങ്ങളും സൃഷ്ടിക്കുന്ന DALL .E 2സംവിധാനത്തോടെയാണ് പുറത്തുവന്നിട്ടുള്ളത്,

ഭാവി ചാർട്ട് ബോട്ടിന്റേത്:-

മനുഷ്യന്റെ ഭാഷ തിരിച്ചറിയുന്ന യന്ത്രസംവിധാനം കൃത്യത വർദ്ധിപ്പിക്കുകയും കാര്യക്ഷമത ഉണ്ടാക്കുന്നതിനാലും കാറ്റലോഗ് നിർമാണത്തിനും റഫറൻസിന് വേണ്ടി ധാരാളം വിദ്യാർഥികൾ ചാറ്റ് ജി പി ടി ഉപയോഗിക്കുന്നതോടെ നിരോധിക്കുന്ന ഘട്ടത്തിൽ എത്തി കുട്ടികളുടെ സർഗാത്മകതയും ഗവേഷണ ത്വരയും നഷ്ടപ്പെടുന്നു എന്ന് ചൂണ്ടിക്കാണിച്ച് ന്യൂയോർക്ക് വിദ്യാഭ്യാസ വകുപ്പ് ജി പി ടിക്ക് വിലക്കേർപ്പെടുത്തി വ്യക്തിപരമായ ആവശ്യങ്ങൾ എളുപ്പത്തിൽ ലഭിക്കുകയും ഉൽപ്പന്നങ്ങളുടെ ഗുണനിലവാരം പെട്ടെന്ന് മനസ്സിലാക്കുവാനും സേവനങ്ങളുടെ വ്യാപ്തി അസൂയാവഹമായ രീതിയിൽ വർദ്ധിക്കുകയും ചെയ്തതോടെ നിലവിലുള്ള കച്ചവട രീതിയിൽ ചാറ്റ് ജി പി ടി വലിയ പരിവർത്തനം ഉണ്ടാക്കി ഇതോടെ വ്യക്തിപരമായ സുരക്ഷാ ഒരു വലിയ ഭീഷണിയായി മാറുകയും ലോകരാജ്യങ്ങളായ റഷ്യ ,ചൈന ,ഇറാൻ ,ഉത്തരകൊറിയ എന്നി രാജ്യങ്ങൾ പൂർണമായും ചാറ്റ് ജി പി ടി നിരോധിക്കുകയും കഴിഞ്ഞദിവസം ഇറ്റലി നിരോധിച്ചതോടെ യൂറോപ്പിൽ ചാറ്റ് ജി പി ടി നിരോധിച്ച ആദ്യ രാജ്യമായി ഇറ്റലി മാറി
.അപകടകരമായതും ശക്തമായതുമായ കൃത്രിമ ബുദ്ധിയാണ് ചാറ്റ് ജി പി ടി എന്ന് ഇലോൺ മാസ്ക് അഭിപ്രായപ്പെട്ടെങ്കിലും ലോകം അതൊന്നും ചെവി കൊടുക്കുന്നില്ല മോശപ്പെട്ട ഉള്ളടക്കത്തോട് പ്രതികരിക്കുവാനുള്ള സാധ്യത 82% കുറവാണ് പുതിയ ചാറ്റ് ജി പി ടി സംവിധാനം.
നിർദ്ദേശങ്ങൾ അനുസരിച്ച് ഗെയിം ഉണ്ടാക്കി വരച്ചു കാണിക്കുന്ന ചാറ്റ് ജി പി ടി ലോകത്ത് അത്ഭുതമാണ് സൃഷ്ടിക്കുന്നത് ,കൂടാതെ ചാറ്റ് ബോട്ട് ഉപയോഗിക്കുന്ന ഭാഷ മാന്യവും മറ്റുള്ളവരുടെ മനസ്സിനെ മുറിവേൽപ്പിക്കാത്തതുമാണ് ,വിപരീത അർത്ഥത്തിൽ ഇല്ലാത്തതും ,രൂപാന്തരം വരുത്തി വാചകങ്ങൾ എഴുതാത്തതും ,രൂക്ഷ പരിഹാസത്മകത ഇല്ലാത്തതുമായ ഭാഷ ആയതിനാൽ ഉന്നതമായ ഗുണനിലവാരമുള്ളതാണ് ചാറ്റ് ജി പി ടി യുടെ ഭാഷ .പെൻസിൽ വാലിയയിലെ ബിസിനസ് സ്കൂളിൽ എം ബി എ പരീക്ഷക്ക് ചാറ്റ് ബോട്ടുകൾ പങ്കെടുത്ത് ഉന്നതമായ വിജയം കൈവരിച്ചതും ,പട്ടിക്കുട്ടിയെ വെറ്റിനറി ഡോക്ടറെ കാണിച്ച് അസുഖം ഭേദമാകാതിരുന്നപ്പോൾ ചാട്ട് ബോട്ടിനോട് അഭിപ്രായം തേടി മരുന്നു കഴിച്ച് പട്ടിക്കുട്ടി രക്ഷപ്പെട്ട സംഭവുമെല്ലാം ലോകത്തെ ഞെട്ടിപ്പിച്ചിരിക്കുന്നു .സാങ്കേതിക മുന്നേറ്റം ആപത്തുണ്ടാക്കുമെന്ന് ആശങ്ക ഉണ്ടെങ്കിലും ആളുകൾ ചാറ്റ് ജി പി ടി യിലേക്ക് ചേക്കേറുന്ന വേഗതക്ക് ഒരു കുറവും വന്നിട്ടില്ല .തെറ്റായ വിവരങ്ങളും വസ്തുതാ വിരുദ്ധമായ കാര്യങ്ങളും ചാറ്റ് ജി പി ടി യിലെ ഉത്തരങ്ങളിൽ കടന്ന് വരാം. മുമ്പ് കമ്പ്യൂട്ടറിൽ സൂക്ഷിച്ച വിവരങ്ങളാണ് മനുഷ്യർക്ക് നൽകുന്നത് ,ഇതിനായി ഭാഷ മനസ്സിലാക്കുന്നതിനായി എൻ എൽ പി (നാഷണൽ ലാംഗ്വേജ് പ്രോസസിംഗ് )സംവിധാനമുണ്ട് .മനുഷ്യ വികാരങ്ങൾ പ്രകൃതിദത്തമായ രീതിയിൽ മനസ്സിലാക്കുവാൻ ചാറ്റ് ബോട്ടുകളിൽ കസ്റ്റമർ സർവീസ് ഏജന്റുമാർ ,വെർച്യുൽ അസിസ്റ്റന്റ് എന്നിവരുടെ സഹായത്തോടെ ഒറ്റ ക്ലിക്കിൽ വൈവിധ്യവും വ്യത്യസ്ത കോണുകളിലുള്ള വിവരങ്ങൾ ക്രോഡീകരിച്ച് ജി പി ടി യിലൂടെ ലഭിക്കുന്നതാണ് .വിവിധങ്ങളായ കഠിന ജോലി നിഷ്പ്രയാസത്തിൽ ചെയ്യാൻ കഴിയുന്നതാണ് ,അതി സങ്കീർണമായ വിഷയങ്ങളിൽ നിമിഷാർദ്ധത്തിൽ ചാറ്റ് ജി പി ടി യിലൂടെ ഉത്തരം ലഭിക്കുന്നുവെങ്കിലും 2021 വരെയുള്ള വിവരങ്ങളെ കമ്പ്യൂട്ടറിൽ ഉണ്ടാവുകയുള്ളൂ അതിനാൽ ഏറ്റവും പുതിയ വിവരങ്ങളിൽ ചാറ്റ് ബോട്ടുകൾ നിരാശയാണ് സമ്മാനിക്കുന്നത് .അതും വരും നാളുകളിൽ പരിഹരിക്കും എന്ന ഉടമകളുടെ വാദം ഹര്ഷപുളകിതമായാണ് ലോകം കേട്ടു നിന്നത്.
വ്യത്യസ്ത ഭാഷ സംസാരിക്കുന്നവർ അവരുടെ ഭാഷാ പരിജ്ഞാനം വെച്ച് മറ്റുള്ള ഭാഷകളിലെ വിവരങ്ങൾ മനസ്സിലാക്കുവാൻ വലിയ രീതിയിൽ ചാറ്റ് ജി പി ടി ഉപയോഗിക്കുന്നതോടെ അക്ഷരാർത്ഥത്തിൽ ലോകത്തിന്റെ അറിവുകൾ മനസ്സിലാക്കുവാനുള്ള ഭാഷ എന്ന വിലങ്ങു തടി ഇല്ലാതായി മാറി ലോകം കൈപിടിയിൽ ഒതുങ്ങുകയും ചെയ്യുന്നു.
ഒരു സഹായിയെ പോലെ ചാറ്റ് ജി പി ടി യെ നമുക്ക് ഉപയോഗിക്കാം അപേക്ഷ എടുക്കുവാൻ നന്ദി കത്ത് തയ്യാറാക്കുവാൻ ആവശ്യത്തിനു ഐൻസ്റ്റീനായോ ഷേക്സ്പിയർ പോലെ അനുകരിച്ച് അതേ ശൈലിയിൽ മറുപടി ഉത്തരങ്ങൾ നൽകുവാൻ ചാറ്റ് ബോട്ടുകളെ ഉപയോഗപ്പെടുത്താവുന്നതാണ് .തൊഴിൽ വിപണിയിലെ മനുഷ്യാവിശ്യങ്ങൾക്ക് കാലഘട്ടത്തിന്റെ അനുയോജ്യമായ ഉത്തരമാണ് ചാറ്റ് ജി പി ടി .തൊഴിൽ വിപണിയിലെ മനുഷ്യബുദ്ധിയുമായി പൊരുത്തപ്പെടാൻ കഴിയുന്ന സാങ്കേതിക മുന്നേറ്റമാണ് ചാറ്റ് ജി പി ടി യിലൂടെ ചാറ്റ് ബോട്ടുകൾ മുന്നോട്ടുവയ്ക്കുന്നത് .ചാറ്റ് ജി പി ടിക്ക് പകരം ഗൂഗിൾ ,ഗൂഗിൾ ബാഡ് എന്ന സംവിധാനം പുറത്തിറക്കിയിട്ടുണ്ട് ഇതിനോടകം തന്നെ ഒരു ഡെസനിലധികം നിർമ്മിതി ബുദ്ധി ഭാഷാ സംവിധാനങ്ങൾ പുറത്തുവന്നിട്ടുണ്ട് ഗൂഗിളിന്റെ മാതൃസ്ഥാപനമായ ആൽഫബെറ്റ് ,ഓപ്പൺ എ ഐ ,മെറ്റ എന്നിവരൊക്കെ ഈ വലിയ കിടമത്സരത്തിൽ മുഴുകിയതോടെ വൈവിധ്യമാർന്ന നിർമിതി ബുദ്ധി ഭാഷാ സമ്പ്രദായങ്ങൾ മനുഷ്യ ജീവിതത്തെ കീഴ്പ്പെടുത്തുന്ന പ്രവണതയ്ക്ക് വേഗത വർധിപ്പിച്ചിട്ടുണ്ട്.
2030 ആകുമ്പോഴേക്കും ലോകത്ത് ഇന്ന് നിലവിലുള്ള തൊഴിലിന്റെ 40% വും അപ്രത്യക്ഷമാകുമെന്നാണ് പ്രതീക്ഷിക്കുന്നത് .ലോകത്തെ അഞ്ചിൽ മൂന്നുപേരും നിർമ്മിത ബുദ്ധി സംവിധാനങ്ങൾ പ്രശ്നങ്ങൾ സൃഷ്ടിക്കുമെന്ന് അഭിപ്രായപ്പെട്ടിട്ടുങ്കിലും ലോകത്തിന്റെ വരും നാളുകൾ നിർമ്മിത ബുദ്ധിയുടെ നീരാളി പിടുത്തത്തിൽ കീഴ്പ്പെടുമെന്ന് നമ്മുക്ക് പ്രതീക്ഷിക്കാം

By
ടി ഷാഹുൽ ഹമീദ്
9895043496

Post Views: 106

KANNURKERALALOCAL NEWSTHALASSERRY

ചാറ്റ് ജിപിടി “ലോകത്ത് തരംഗമാകുന്നു:- ടി ഷാഹുൽ ഹമീദ്

ജീവിതശൈലി രോഗങ്ങൾക്കെതിരെ ബോധവൽക്കരണം ശക്തമാക്കണംഃ ഐ ഡി ആർ എൽ

ലോകാരോഗ്യ ദിനം ആചരിച്ചു

Related Posts

‘യുദ്ധത്തിലും പ്രണയത്തിലും നിയമങ്ങളില്ല’; ബലാത്സംഗക്കേസ് റദ്ദാക്കി കോടതി

അർജുനായി തിരച്ചിൽ; ഈശ്വർ മാൽപെ ദൗത്യം ആരംഭിച്ചു

‘പെൺകുട്ടികൾ രാത്രി പുറത്തിറങ്ങരുത്’; ബലാത്സംഗ സംഭവത്തിന് പിന്നാലെ ഉത്തരവുമായി അസം മെഡിക്കൽ കോളേജ്

Leave a comment