‘റെയില്‍വേ മന്ത്രി അശ്വിനി വൈഷ്ണവ് രാജിവയ്ക്കണം’; ആവശ്യമുയര്‍ത്തി പ്രതിപക്ഷം

By editor on June 3, 2023

0 108 Views

ഭുവനേശ്വര്‍: ഒഡീഷ ട്രെയിൻ ദുരന്തത്തില്‍ കേന്ദ്ര റെയില്‍വേ മന്ത്രി അശ്വിനി വൈഷ്ണവിന്റെ രാജി ആവശ്യപ്പെട്ട് പ്രതിപക്ഷം.

സിഗ്നല്‍ സംവിധാനത്തിലെ പിഴവാണ് അപകടത്തിന് കാരണമെന്ന് പ്രതിപക്ഷ പാര്‍ട്ടികള്‍ ചൂണ്ടിക്കാട്ടി. മന്ത്രിക്ക് സ്ഥാനത്ത് തുടരാൻ അര്‍ഹതയില്ലെന്നും നേതാക്കള്‍ ചൂണ്ടിക്കാട്ടി.

കോണ്‍ഗ്രസ്, തൃണമൂല്‍ കോണ്‍ഗ്രസ്, എന്‍.സി.പി, സി.പി.എം, സി.പി.ഐ ഉള്‍പ്പെടെയുള്ള പാര്‍ട്ടികളാണ് മന്ത്രിയുടെ രാജി ആവശ്യപ്പെട്ട് രംഗത്തെത്തിയത്. മൂന്ന് ട്രെയിനുകള്‍ കൂട്ടിയിടിച്ചുള്ള ഒരു അപകടം രാജ്യത്തിന്റെ ചരിത്രത്തില്‍ തന്നെ ഓര്‍ക്കുന്നില്ലെന്ന് കോണ്‍ഗ്രസ് വക്താവ് സുരേന്ദ്ര രജ്പുത് പറഞ്ഞു. ദുരന്തത്തിന് ഉത്തരവാദികളായവര്‍ രാജിവയ്ക്കണം. റെയില്‍വേ മന്ത്രിക്ക് സ്ഥാനത്ത് തുടരാൻ അധികാരമില്ലെന്നും അദ്ദേഹം വ്യക്തമാക്കി.

സിഗ്നല്‍ സംവിധാനത്തിലെ പാളിച്ചയാണ് മൂന്ന് ട്രെയിനുകള്‍ കൂട്ടിയിടിച്ചുണ്ടായ അപകടത്തിനു കാരണമെന്നത് വിശ്വസിക്കാനാകുന്നതിനുമപ്പുറം ഞെട്ടലുണ്ടാക്കുന്നതാണെന്ന് തൃണമൂല്‍ കോണ്‍ഗ്രസ് വക്താവ് സാകേത് ഗോഖലെ ട്വീറ്റ് ചെയ്തു. സംഭവത്തില്‍ ഉത്തരം ലഭിക്കേണ്ട ഗുരുതരമായ ചോദ്യങ്ങള്‍ അവശേഷിക്കുന്നുണ്ടെന്നും അദ്ദേഹം പറഞ്ഞു. മനഃസാക്ഷിയുണ്ടെങ്കില്‍ മന്ത്രി രാജിവയ്ക്കണമെന്നും തൃണമൂല്‍ ആവശ്യപ്പെട്ടു.

കുറ്റക്കാര്‍ക്കെതിരെ നടപടിയെടുക്കണമെന്ന് എൻ.സി.പി ആവശ്യപ്പെട്ടു. ട്രെയിൻ അപകടത്തിന്റെ ഉത്തരവാദിത്തം ആരും ഏല്‍ക്കുന്നില്ലെന്ന് എൻ.സി.പി നേതാവ് അജിത് പവാര്‍ ചൂണ്ടിക്കാട്ടി. ജനങ്ങളെ കൊല്ലുന്ന സര്‍ക്കാരിന് അധികാരത്തില്‍ തുടരാൻ അര്‍ഹതയില്ലെന്നും സ്വയം രാജിവച്ച്‌ പോകണമെന്നും സി.പി.ഐ നേതാവ് ബിനോയ് വിശ്വം ആവശ്യപ്പെട്ടു.

Post Views: 116

‘റെയില്‍വേ മന്ത്രി അശ്വിനി വൈഷ്ണവ് രാജിവയ്ക്കണം’; ആവശ്യമുയര്‍ത്തി പ്രതിപക്ഷം

ബി.ജെ.പി മടുത്തു; സംവിധായകന്‍ രാജസേനന്‍ സി.പി.എമ്മിലേക്ക്‌

Related Posts

ചരിത്ര വാതായനങ്ങൾ തുറന്നു. മയ്യഴിക്കാർ അറിവിൻ്റെ അക്ഷയഖനി കണ്ടു

ഖത്തർ ഫാമിലി ഡേ, യാത്രാ ടിക്കറ്റ് നിരക്കിൽ ഇളവുമായി ഖത്തർ എയർവെയ്‌സ്

മാസപ്പടി കേസ്; SFIO കുറ്റപത്രത്തിന്റെ പകർപ്പ് ഇ ഡിക്ക് കൈമാറി

Leave a comment