ചെറിയ ഉള്ളിക്ക് ഇരുന്നൂറ് കടന്നെങ്കിലും സവാളയ്ക്ക് 30 മാത്രം, വില കൂടാതിരിക്കാനൊരു കാരണമുണ്ട്; രണ്ടാഴ്‌ചകൊണ്ട് പച്ചക്കറി വിലയില്‍ വമ്ബനൊരു മാറ്റം വരും

By editor on July 11, 2023

0 75 Views

കോലഞ്ചേരി: ചെറിയ ഉള്ളികളുടെ വില കരയിപ്പിക്കും. ചെറിയുള്ളിയും വെളുത്തുള്ളിയും ചില്ലറ വില്പന വിലയില്‍ ഡബിള്‍ സെഞ്ച്വറിയടിച്ച്‌ മുന്നേറുന്നു.

ചെറിയ ഉള്ളി ഈ വര്‍ഷം ആദ്യമായാണ് 200 കടക്കുന്നത്. വില്പന വില 210 ലെത്തി. വെളുത്തുള്ളി 200 നാണ് വില്പന. കുഞ്ഞൻ ഉള്ളികള്‍ വിലക്കയറ്റത്തില്‍ മത്സരത്തിലാണെങ്കിലും സവാള കിലോ 30 ല്‍ തന്നെയാണ് തുടരുന്നത്. പച്ചക്കറി കടകളില്‍ കിലോ 50 രൂപയില്‍ കുറവുള്ള ഏക ഐറ്റവും സവാളയാണ്. 150 ല്‍ നിന്ന തക്കാളി ഇന്നലെ 120 ലേക്ക് കുറഞ്ഞിട്ടുണ്ട്. രണ്ടാഴ്ച കൊണ്ട് തക്കാളി വില ഇനിയും കുറയും. കര്‍ണ്ണാടകയിലും തമിഴ് നാട്ടിലും വിളവെടുപ്പ് തുടങ്ങിയതോടെ വില കുത്തനെ ഇടിയാനാണ് സാദ്ധ്യതയെന്നുമാണ് വ്യാപാരികളുടെ പക്ഷം. ഇതോടെപ്പം വിലയില്‍ കുതിപ്പ് തുടരുന്നത് ഇഞ്ചിക്കാണ്. ഇന്നലെ വില കിലോ 360 ലെത്തി. നാടൻ ഇഞ്ചി ലഭിക്കുന്നില്ല, വരവ് ഇഞ്ചിയാണ് ദിനം പ്രതി വില കൂടുന്ന മറ്റൊരിനം.

സ്റ്റോക്ക് ഒഴുകിപ്പോയി

ചെറിയ ഉള്ളിയും വെളുത്തുള്ളിയും പ്രധാനമായും എത്തുന്നത് മഹാരാഷ്ട്ര നാസിക്കില്‍ നിന്നുമാണ് നാസിക്കിലുണ്ടായ കനത്തമഴയില്‍ സ്റ്റോക്കിരുന്ന ഉള്ളി ഒഴുകി പോയതാണ് വില കൂടാൻ കാരണമായി പറയുന്നത്.

തമിഴ് നാട്ടിലെ പൊള്ളാച്ചി മാര്‍ക്കറ്റ് വഴിയാണ് ഉള്ളി സംസ്ഥാനത്തേക്ക് എത്തുന്നത്. നിലവില്‍ നനഞ്ഞ ഉള്ളിയാണ് ചാക്കില്‍ പാക്ക് ചെയ്ത് വരുന്നത്. ഇതോടെ പകുതിയിലധികവും ചീഞ്ഞു പോകുന്നുണ്ട്. അതു കൊണ്ടു തന്നെ ലോഡെടുക്കാൻ വ്യാപാരികള്‍ മടി കാണിക്കുകയാണ്. നാസിക്കിലെ സവാള വെള്ളപ്പാച്ചിലില്‍ നശിച്ചെങ്കിലും തമിഴ്നാട്ടില്‍ വ്യാപകമായി കൃഷി ചെയ്യുന്നതിനാല്‍ വില കൂടിയിട്ടില്ല.

……………………………………

തമിഴ്നാട്ടിലും കര്‍ണാടകയിലും വിളവെടുപ്പ് തുടങ്ങാൻ മൂന്നാഴ്ചയെങ്കിലും കഴിയണം. നാലാഴ്ച കഴിയുമ്ബോള്‍ ഉള്ളി വില കുറയുവാനാണ് സാദ്ധ്യത.

കെ.എം. പരീക്കുട്ട

Post Views: 88

സ്കൂൾ ബസിൽ കയറാൻ റോഡ് മുറിച്ചു കടക്കുന്നതിനിടെ ബസിടിച്ച് ഏഴാം ക്ലാസ് വിദ്യാർഥി മരിച്ചു.

കൈക്കൂലി കേസില്‍ പിടിയിലായ ഡോക്ടറുടെ വീട്ടില്‍ നോട്ട് കെട്ടുകളുടെ കൂമ്ബാരം: അമ്ബരന്ന് വിജിലന്‍സ്

Related Posts

ടെലികോം കമ്പനികൾ ഉപയോ​ഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ

Leave a comment

ടെലികോം കമ്പനികൾ ഉപയോഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ