സാമൂഹ്യ മാധ്യമങ്ങളിലെ പരസ്യക്കാർക്ക് കൂച്ചുവിലങ്ങ് വരുന്നു

By editor on August 3, 2023

0 151 Views

സാമൂഹ്യ മാധ്യമങ്ങളിലെ പരസ്യക്കാർക്ക് കൂച്ചുവിലങ്ങ് വരുന്നു:-

ടി ഷാഹുൽ ഹമീദ്

സാമൂഹ്യ മാധ്യമങ്ങളിൽ ആദ്യകാലത്ത് വ്യക്തിപരമായ വിവരങ്ങളും വിശേഷങ്ങളും മാത്രം പങ്കുവെക്കുന്ന ഒരു ഇടമായിരുന്നുവെങ്കിൽ ഇന്ന് അത് നൂതന കച്ചവട കേന്ദ്രം ആയി മാറിയിരിക്കുന്നു.

ഉപഭോക്താക്കളെ കാണാനും സംവദിക്കുവാനുമുള്ള വേദിയായി ഉത്പാദകർ, കമ്പനികൾ ,വ്യവസായികൾ എന്നിവർ സാമൂഹ്യ മാധ്യമങ്ങളെ ഉപയോഗിക്കാൻ തുടങ്ങിയതോടുകൂടി അത്യന്തം കലുഷിതമായ ഒരു രംഗമായി സാമൂഹ്യ മാധ്യമങ്ങളിലെ പരസ്യങ്ങൾ മാറുകയും ഇത്തരം പരസ്യങ്ങൾക്ക് നേതൃത്വം നൽകുന്നവരെയും സ്വാധീനം ചെലുത്തുന്ന വ്യക്തികളെയും( influencers) നിയന്ത്രിക്കുന്നതിന് മാർഗ്ഗനിർദ്ദേശവുമായി കേന്ദ്രസർക്കാർ മുന്നോട്ട് വന്നിരിക്കുന്നു. ആദ്യഘട്ടത്തിൽ ജനങ്ങൾ ഏറെ ആകർഷിക്കപ്പെടുന്ന ആരോഗ്യം ,സാമ്പത്തികം എന്നീ മേഖലകളിലെ സാമൂഹ്യ മാധ്യമങ്ങളിലെ പരസ്യങ്ങളാണ് നിയന്ത്രിക്കാൻ വേണ്ടി പോകുന്നത് .ഓൺലൈനിലൂടെ പ്രോട്ടീൻ പോഷകാഹാരം ലഭിക്കുമെന്ന് പരസ്യം നൽകി വഞ്ചിക്കപ്പെട്ടു പോയ ഒട്ടനവധി ആളുകൾക്ക് പ്രത്യാശ നൽകുന്ന തീരുമാനമാണ് സർക്കാറിന്റെ ഭാഗത്തുനിന്നും ഉണ്ടായിട്ടുള്ളത് .സോഷ്യൽ മീഡിയയിൽ പ്രചരിക്കുന്ന എല്ലാ പരസ്യങ്ങളും പൂർണമായും സത്യമായോതോ ശാസ്ത്രീയമായ രീതിയിലുള്ളതോ അല്ല എന്നും അതിൽ വരുന്ന പരസ്യങ്ങളിൽ ബഹുഭൂരിഭാഗം ഉപഭോക്താക്കൾക്ക് പ്രയാസവും പ്രശ്നങ്ങളും സൃഷ്ടിക്കുന്നു എന്ന് കണ്ടതിനാലാണ് പുതിയ നിയന്ത്രണവുമായി കേന്ദ്ര സർക്കാർ മുന്നോട്ടു വന്നിരിക്കുന്നത്. അസത്യമായ പരസ്യവാഹകരാകുന്നവരിൽ നിന്നും 10 ലക്ഷം രൂപ വരെ പിഴ ചുമത്തുവാനുള്ള ഒരു പുതിയ നിയമമാണ് ഓഗസ്റ്റിൽ പുറത്തിറങ്ങുമെന്ന് കേന്ദ്രസർക്കാർ പ്രഖ്യാപിച്ചിട്ടുള്ളത് .സോഷ്യൽ മീഡിയയിൽ പണം ചെലവഴിക്കാതെ ഉൽപ്പന്നങ്ങൾ വിറ്റഴിക്കുവാനോ, സേവനങ്ങൾ ജനങ്ങളിൽ എത്തിക്കുവാനോ സാധികുകയില്ല എന്ന് ബോധ്യം ഉണ്ടായതോടുകൂടി ഉപഭോക്താക്കളുടെ മനസ്സ് അറിയുവാനും നേരിട്ട് ഓൺ ലൈൻ വിപണിയിൽ ഇടപെടാനുള്ള അസുലഭമായ അവസരമാണ് സോഷ്യൽ മീഡിയയിലൂടെ ലഭിക്കുന്നത്. സോഷ്യൽ മീഡിയയിൽ വിവിധതരത്തിലുള്ള പരസ്യതന്ത്രം ആണ് സ്വീകരിക്കുന്നത് .വിപണിയെ ലളിതമാക്കുവാനും വ്യതിരക്തമാക്കുവാനും സോഷ്യൽ മീഡിയ കൊണ്ട് സാധിക്കുന്നു. നേരിട്ട് കാണാൻ കഴിയാത്ത ഉപഭോക്താക്കളിൽ എത്തിച്ചേരാനുള്ള ഒരു വലിയ ബിസിനസ് പരസ്യ മേഖലയായി സോഷ്യൽ മാധ്യമങ്ങൾ മാറിക്കഴിഞ്ഞിട്ടുണ്ട് .നിലവിൽ ലോകത്ത് 490 കോടി ജനങ്ങൾ സാമൂഹ്യ മാധ്യമങ്ങൾ വലിയ രീതിയിൽ ഉപയോഗിക്കുന്നു ,2027 ആകുമ്പോഴേക്കും അത് 585 കോടിയായി വർദ്ധിക്കും എന്ന് കരുതുന്നു. ഇന്റർനെറ്റ് സാർവത്രികമായ തോടുകൂടി ഓൺലൈൻ വിപണികൾക്ക് വലിയ കുതിച്ചുചാട്ടമാണ് ഉണ്ടായിട്ടുള്ളത്. 290 ദശലക്ഷം പേർ പ്രതിമാസം ഫേസ് ബുക്ക്‌ നിരന്തരം ഉപയോഗിക്കുന്നു യൂട്യൂബിൽ 250 ദശലക്ഷവും, വാട്സാപ്പിനും ഇൻസ്റ്റാഗ്രാമിനും 200 ദശലക്ഷവും, വീ ചാറ്റിന് 130 ദശലക്ഷവും ടിക് ടോകിന് 100 ദശലക്ഷവും സജീവ ഉപഭോക്താക്കൾ പ്രതിമാസം ഉണ്ട് എന്നാണ് കണക്കാക്കപ്പെടുന്നത്.
ഒരു മനുഷ്യൻ ശരാശരി ഒരു ദിവസം 145 മിനിറ്റ് സാമൂഹ്യ മാധ്യമങ്ങളിൽ ചെലവഴിക്കുന്നു ,73 കൊല്ലം ജീവിക്കുന്ന ഒരു മനുഷ്യനാണെങ്കിൽ അഞ്ച് മുതൽ ഏഴ് വർഷം വരെ സാമൂഹ്യ മാധ്യമങ്ങൾ ചിലവഴിക്കും .ഒരു മിനിറ്റിൽ താഴെ മാത്രം ദൈർഘ്യമുള്ള വീഡിയോ സാമൂഹ്യ മാധ്യമങ്ങളിലെ 66% ജനങ്ങളും കാണുന്നു ,ഇതിൽ വലിയ രീതിയിൽ പരസ്യങ്ങൾ കടന്നു കൂടുകയും യൂട്യൂബർ മാരും സെലിബ്രിറ്റികളും സാമൂഹിക പ്രചോദകരും സാമൂഹ്യ മാധ്യമങ്ങളിൽ അരങ്ങ് തകർക്കുകയും ചെയ്യുന്നു. 2022ൽ മാത്രം സാമൂഹ്യ മാധ്യമമായ ടിക്ടോക്ക് 350 മില്യൺ ഡോളർ പരസ്യത്തിലൂടെ വരുമാനം നേടിയപ്പോൾ, ഫെയ്സ്ബുക്കിന് 250 മില്യൺ ഡോളർ വരുമാനം ലഭിച്ചു .18 വയസ്സ് മുതൽ 29 പ്രായക്കാരിൽ 84 % വും, 30 വയസ്സ് മുതൽ 49 വയസ്സ് വരെയുള്ളവരിൽ 81 %വും 50 വയസ്സ് മുതൽ 64 വയസ്സുവരെയുള്ളവരിൽ 73% വും 65 ന് മുകളിലുള്ളവരിൽ 45 %വും സോഷ്യൽ മീഡിയ ധാരാളമായി ഉപയോഗിക്കുന്നു. 77% ചെറുകിട വ്യവസായികളും സോഷ്യൽ മീഡിയയെ ബിസിനസ് ആവശ്യാർത്ഥം ഉപയോഗിക്കുന്നു .സോഷ്യൽ മീഡിയയിലെ 90% ജനങ്ങളും ഏതെങ്കിലും ഒരു ബ്രാൻഡ് ജീവിതത്തിൽ ഉപയോഗിക്കുന്നവരാണ് .സോഷ്യൽ മീഡിയയിലെ പരസ്യങ്ങളെ വിശ്വസിച്ച് 76% പേരും വ്യത്യസ്ത വാങ്ങലുകൾ നടത്തുന്നു, ഇതിൽ 50% വും സാമൂഹ്യ മാധ്യമങ്ങളിൽ സ്വാധീനം ചെലുത്തുന്നവരുടെ പ്രലോഭനങ്ങളിലാണ് വാങ്ങിക്കുന്നത്. പുതിയ നിർദ്ദേശപ്രകാരം സ്വന്തമായി ഉപയോഗിക്കുകയോ അനുഭവിക്കുകയോ ചെയ്യാതെ ഒരു പരസ്യത്തിലും അഭിനയിക്കുകയോ സോഷ്യൽ മീഡിയയിലൂടെ അത് പ്രോത്സാഹിപ്പിക്കുകയോ ചെയ്യാൻ പാടില്ലാത്തതാണ് .കൊക്കക്കോള കുടിച്ചാൽ യൗവനം വരും എന്ന് കമ്പനിക്കാർ അവകാശപ്പെടുമ്പോൾ സത്യവുമായി ഏറെ അകലെയാണ് വസ്തുത ,ഉപഭോകൃത കാലഘട്ടത്തിൽ നമ്മുടെ ജീവിതം തന്നെ വിപണി നിയന്ത്രിക്കുന്നവരുടെയും ബ്രാൻഡിങ് വിദഗ്ധന്മാരുടെയും കയ്യിലാണ്, പ്രതിദിനം നൂറു കണക്കിന് ബ്രാന്റിങ് ഉൽപന്നങ്ങൾ ഉപയോഗിക്കുന്നവരായി മനുഷ്യർ മാറിയിട്ടുണ്ട്. ഉപഭോക്താക്കളുടെ മനസ്സ് വെച്ച് കളിക്കുന്നവർ വസ്തുതകൾ വായുവിൽ നിന്ന് മെനഞ്ഞെടുക്കുവാനോ അതിൽ അടിയുറച്ചു നിൽക്കുവാനോ പാടില്ല, വസ്തുതകൾ അടിസ്ഥാനമാക്കി മാത്രമേ സോഷ്യൽ മീഡിയയിൽ ഇടപെടാൻ പാടുള്ളൂ .സോഷ്യൽ മീഡിയയിൽ പരസ്യം നൽകുന്നവരുടെ വസ്തുതകൾ ആധികാരികമായിരിക്കണം. ഉപഭോക്താക്കൾക്ക് എപ്പോഴും ശരിയായ കാഴ്ചപ്പാട് നൽകാൻ കഴിയുന്ന ബ്രാൻഡിങ് ഉത്പന്നങ്ങളിൽ ആധികാരികതയാണ് പ്രാധാന്യം. സോഷ്യൽ മീഡിയയിൽ അധികകാലം കള്ളത്തരം പറഞ്ഞു അർദ്ധ സത്യങ്ങളുമായി നിലനിൽക്കാൻ സാധിക്കില്ല, ഇന്റർനെറ്റ് വ്യാപകമായതോടെ വസ്തുതാ പരിശോധന ദ്രുതഗതിയിൽ നിമിഷാർദ്ധം നടക്കുന്നതിനാൽ ഒന്നിനെയും കുഴിച്ചുമൂടാൻ സാധിക്കുകയില്ല, ഒരിക്കൽ ഡിജിറ്റൽ ഇടത്തിലേക്ക് തള്ളിവിട്ട വസ്തുതകൾ പിന്നീട് പൊന്തിവന്ന് നമ്മെ തുറിച്ചു നോക്കും, നിലവിൽ പരസ്യങ്ങൾ സോഷ്യൽ മീഡിയയിലൂടെ നൽകിയാൽ അത് നിയന്ത്രിക്കാനുള്ള സംവിധാനം ഇല്ലായിരുന്നു ഇനിമുതൽ സോഷ്യൽ മീഡിയയിലൂടെ നൽകുന്ന എല്ലാതര പരസ്യങ്ങളും, പരസ്യങ്ങൾക്ക് പ്രോത്സാഹനം നൽകുന്ന ഘടകങ്ങൾക്കും കുച്ച് വിലങ്ങ് വീഴാൻ പോവുകയാണ് .സോഷ്യൽ മീഡിയയിലുള്ള കാര്യങ്ങൾ മരണമില്ലാത്ത വസ്തുതകളാണ് എന്ന് തിരിച്ചറിഞ്ഞ് മാത്രമേ സോഷ്യൽ മീഡിയയിൽ പരസ്യങ്ങൾക്ക് മുതിരാവൂ.
10 വർഷങ്ങൾക്കു മുമ്പ് അച്ചടി മാധ്യമങ്ങൾ ,റേഡിയോ ,ടെലിവിഷൻ എന്നിവയായിരുന്നു പരസ്യ ദാതാക്കളുടെ മേച്ചിൽ പുറമെങ്കിൽ നിലവിൽ അത് സോഷ്യൽ മീഡിയായി മാറിയിരിക്കുന്നു, പുതിയ മറ്റെന്തെങ്കിലും സംവിധാനം ഉദയം ചെയ്യുന്നതുവരെ സോഷ്യൽ മീഡിയ ഇങ്ങനെ തന്നെ തുടരുന്നതാണ് .സോഷ്യൽ മീഡിയയും മറ്റു മാധ്യമങ്ങളും തമ്മിലുള്ള പ്രധാന വ്യത്യാസം സോഷ്യൽ മീഡിയയിൽ ജനങ്ങളോട് അങ്ങോട്ട് നേരിട്ട് സംവദിക്കുവാൻ സാധിക്കുന്നു എന്നതാണ്. ആയിരത്തിലധികം തൊഴിലാളികൾ ജോലി ചെയ്യുന്ന കമ്പനികളിൽ 42% അവരുടെ ഉൽപ്പന്നങ്ങൾ സാമൂഹ്യ മാധ്യമങ്ങളിലൂടെ വില്പന നടത്തുന്നു ഇതിനായി സാമൂഹ്യ മാധ്യമങ്ങളിൽ സ്വാധീനം ഉള്ളവരെ ഉപയോഗപ്പെടുത്തുന്നു. സാമൂഹിക വിനിമയവും സാമൂഹിക സാമ്പത്തിക ജീവിതവും 2023ല്‍ കൂടുതൽ വിപുലപ്പെടും എന്നതിനാൽ സോഷ്യൽ മീഡിയയിലുള്ള പരസ്യങ്ങൾ സുതാര്യവും ആധികാരികവുമായിരിക്കണം.
2019ലെ ഉപഭോകൃത സംരക്ഷണ നിയമത്തിൽ 2022ൽ വന്ന മാർഗ്ഗനിർദ്ദേശം ഇതോടൊപ്പം ചേർത്ത് വായിക്കേണ്ടതാണ്. ഉൽപ്പന്നങ്ങൾ ,സേവനങ്ങൾ എന്നിവയ്ക്കായി പ്രലോഭനങ്ങളുള്ള പരസ്യങ്ങൾ പുറപ്പെടുവിക്കാൻ പാടില്ല, സത്യമായതും വിശ്വസ്തത ഉള്ളതായിരിക്കണം പരസ്യങ്ങൾ തെറ്റിദ്ധരിപ്പിക്കുവാൻ പാടില്ലാത്തതാണ് .കൃത്യതയെ പർവ്വതീകരിക്കുകയോ ശാസ്ത്രീയമായ നിയമ സത്യങ്ങളെ ഇല്ലാതാക്കാൻ പാടില്ല,പരസ്യങ്ങൾ സത്യസന്ധത പുലർത്തുന്നതായിരിക്കണം, ഉൽപ്പന്നങ്ങളെയും സേവനങ്ങളെ പറ്റിയുള്ള ശാസ്ത്രീയ നിഗമനങ്ങൾ ജനങ്ങളെഅറിയിക്കണം.ആഗോളതലത്തിൽ പ്രചുരപ്രചാരം നേടി എന്ന് പറഞ്ഞു പരസ്യം നൽകുമ്പോൾ അതിൽ യുക്തിഭദ്രത ഉണ്ടാകണം. ഉൽപ്പന്നങ്ങൾ ,സേവനങ്ങൾ ഉപയോഗിച്ചാലുള്ള അപകട സാധ്യത, വ്യക്തിപരമായ സുരക്ഷിതത്വം ,മൗലികമായ ഉപഭോക്താളുടെ സ്വാതന്ത്ര്യം എന്നിവ കൃത്യമായി പരസ്യങ്ങളിൽ പറയുകയും, പരസ്യത്തിന് വേണ്ടി ഉപയോഗിക്കുന്ന വാക്കുകളിൽ ഇത് ഉപയോഗിക്കുകയും ചെയ്യണം .കുട്ടികളെ സംബന്ധിച്ചുള്ള പരസ്യത്തിൽ അതീവ ശ്രദ്ധ വേണം അനുകരിക്കുവാനും പ്രചോദിപ്പിക്കുവാനും ശരീര സങ്കല്പങ്ങളെ ഇല്ലാതാക്കുവാനും ചില പരസ്യങ്ങൾ കാരണമായതിനാൽ സാമൂഹ്യ മാധ്യമങ്ങളിൽ ഉത്തരം പരസ്യങ്ങൾ കൈകാര്യം ചെയ്യുമ്പോൾ അതീവ ജാഗ്രത കാണിക്കണം .ഇക്കാര്യത്തിൽ യുവജനങ്ങളെ ആകർഷിക്കുന്ന യൂട്യൂബ്ർമാരുടെ പരസ്യങ്ങളും അവരുടെ പ്രവർത്തനങ്ങളും കർശനമായി നിയന്ത്രിക്കാൻ വേണ്ടി പോവുകയാണ്.
കമ്പ്യൂട്ടർ ഉണ്ടാകുന്ന കൽപ്പിത കഥകൾ, അവതാറുകൾ ,നിലവിലുള്ള ജീവിതങ്ങളുമായി താരതമ്യം ചെയ്ത് ഉണ്ടാകുന്ന പരസ്യവാചകം, പരസ്യത്തിന്റെ ശീർഷകത്തിൽ നൽകുന്ന പ്രത്യേക ഘടനാപരമായ വാക്കുകൾ കൃത്യമായതും ഔന്നിത്യംമുള്ളതുമായിരിക്കണം. ഉൽപ്പന്നങ്ങളെ കുറിച്ചോ, സേവനങ്ങളെ കുറിച്ചോ വിട്ടുപോകാതെ എല്ലാ വിവരങ്ങളും ചേർത്തു മാത്രമേ പരസ്യങ്ങൾ നൽകാൻ പാടുള്ളൂ, ഈ കാര്യം ഹാഷ് ടാഗുകളിലും രേഖപെടുത്തണം. പരസ്യവാചകങ്ങൾ എല്ലാവരും കാണുന്ന രീതിയിൽ പ്രദർശിപ്പിക്കുകയും, അറിയുന്ന ഭാഷകളിൽ നൽകുകയും ചെയ്യണം . സോഷ്യൽ മീഡിയയിൽ ബ്രാൻഡിങ്ങുകളുടെ പരസ്യങ്ങൾ തലങ്ങും വിലങ്ങുമാണ് നിലവിൽ കാണപ്പെടുന്നത്, ഉപഭോക്താക്കളുടെ ശ്രദ്ധ പിടിച്ചു പറ്റുവാനുള്ള ശ്രമമാണ് മാർക്കറ്റിംഗ് വിദഗ്ധർ സോഷ്യൽ മീഡിയയിലൂടെ
ചെയ്യുന്നത്. ബ്രാൻഡിംഗ് എന്നാൽ ജനങ്ങൾ സത്യമാണ് എന്ന് വിശ്വസിക്കുന്നത് വരെ കൽപിത കഥകൾ ആവർത്തിച്ചു പറയുന്നതാണ് ,ഇത്തരം കൽപിത കഥകൾ സോഷ്യൽ മീഡിയയെ സ്വാധീനിക്കുന്ന വ്യക്തികൾ പ്രചരിപ്പിക്കുകയാണെങ്കിൽ അവർക്ക് ഇനി നിയമ പരമായ ബുദ്ധിമുട്ടുകൾ ഉണ്ടാവാൻ സാധ്യതയുണ്ട്.
സാമൂഹ്യ മാധ്യമങ്ങളിലെ എഴുത്ത്, പോസ്റ്റിങ്ങുകൾ ,പരസ്യങ്ങൾ എന്നിവ ആധികാരികമായിരിക്കണം പ്രത്യേകിച്ച് പരസ്യങ്ങളിൽ. മറ്റുള്ളവർക്ക് ഉൽപ്പന്നങ്ങൾ ഉപയോഗിക്കാൻ പ്രേരണ നൽകുന്നവരുടെ വാക്കുകളിൽ സത്യസന്ധത ഉണ്ടായിരിക്കണം , പുതിയ വിവരങ്ങൾ നൽകി പരസ്യങ്ങളിലെ വാക്കുകളും വീഡിയോകളും നാളീതികരിക്കേണ്ടതായിട്ടുണ്ട്. സാമൂഹ്യമാധ്യമങ്ങളിലെ ബ്ലോഗുകൾ ,സ്റ്റോറികൾ ,ഇമേജുകൾ ,വീഡിയോകൾ എല്ലാം മൂല്യത്തോട് അങ്ങേയറ്റം ചേർന്ന് നിൽക്കേണ്ടതായിരിക്കണം അല്ലാത്തപക്ഷം അത്തരം പ്രവർത്തനങ്ങൾ കൊണ്ട് പ്രയാസമനുഭവിക്കുന്നവർക്ക് ഒരു പ്രത്യാശ നൽകുന്ന തീരുമാനമാണ് കേന്ദ്രസർക്കാർ പുതിയ ഒരു നിയമനിർമാണത്തിലൂടെ നടത്താൻ വേണ്ടി പോകുന്നത്. ശുഭപ്രതീക്ഷയോടുകൂടിയാണ് സോഷ്യൽ മീഡിയയിലൂടെ വഞ്ചിതരായി പ്രയാസപ്പെട്ട് കിടക്കുന്ന അനേകലക്ഷം ജനങ്ങൾക്ക് പുതിയ നീക്കത്തെ കാണുന്നത്
by
ടി ഷാഹുൽ ഹമീദ്
9895043496

Post Views: 177

സാമൂഹ്യ മാധ്യമങ്ങളിലെ പരസ്യക്കാർക്ക് കൂച്ചുവിലങ്ങ് വരുന്നു

എ ഐ ക്യാമറയില്‍ കുടുങ്ങിയവരില്‍ എംപിമാരും എംഎല്‍എമാരും; 328 സര്‍ക്കാര്‍ വാഹനങ്ങള്‍ക്ക് പിഴയിട്ട് എംവിഡി

Related Posts

ടെലികോം കമ്പനികൾ ഉപയോ​ഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ

‘മുംബൈ ഭീകരാക്രമണത്തിന് മേല്‍നോട്ടം വഹിച്ചത് ഐഎസ്‌ഐ’; നിര്‍ണായക വിവരങ്ങള്‍ വെളിപ്പെടുത്തി തഹാവൂര്‍ റാണ

പ്രധാനമന്ത്രിയുമായി കൂടിക്കാഴ്ച നടത്താൻ മുനമ്പം സമര സമിതി; കൂടിക്കാഴ്ച ഈസ്റ്ററിന് ശേഷം

Leave a comment

ടെലികോം കമ്പനികൾ ഉപയോഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ