മാസപ്പടിയില്‍നിന്നല്ല പെൻഷൻ ചോദിച്ചത്, പിണറായിയുടേതല്ലാത്ത ഏത് പാര്‍ട്ടിയിലും പോകും- മറിയക്കുട്ടി

By editor on January 6, 2024

0 79 Views

തിരുവനന്തപുരം: പിണറായിയുടേതല്ലാത്ത എല്ലാ പാര്‍ട്ടികളുടേയും പരിപാടികള്‍ക്ക് പോകുമെന്ന് പിച്ചച്ചട്ടി സമരം നടത്തിയ മറിയക്കുട്ടി.

സെക്രട്ടറിയേറ്റിന് മുന്നില്‍ സേവ് കേരള ഫോറത്തിന്റെ പരിപാടിയില്‍ പങ്കെടുത്ത് സംസാരിക്കുകയായിരുന്നു മറിയക്കുട്ടി.

പിണറായിയെ പോലെ മോദിയെ താൻ കെട്ടിപ്പിടിച്ച്‌ ഉമ്മകൊടുത്തില്ലെന്നായിരുന്നു ബി.ജെ.പി. പരിപാടികളില്‍ പങ്കെടുത്തതിനേക്കുറിച്ചുള്ള ചോദ്യത്തിന് മറിയക്കുട്ടിയുടെ പ്രതികരണം. പ്രധാനമന്ത്രി മോദിക്ക് മുന്നില്‍ മുഖ്യമന്ത്രി കൈകൂപ്പി നില്‍ക്കുന്ന ചിത്രമുയര്‍ത്തിയാണ് മറിയക്കുട്ടി ഇക്കാര്യം പറഞ്ഞത്.

രാവിലെ കോണ്‍ഗ്രസ്, രാത്രി ബി.ജെ.പി. എന്നാണ് എന്നെക്കുറിച്ച്‌ സി.പി.എം. പറയുന്നത്. അതെന്റെ പണിയല്ല. എനിക്ക് ആരെയും കെട്ടിപ്പിടിക്കേണ്ട കാര്യമില്ല. മാസപ്പടിയില്‍ നിന്നല്ല ജനങ്ങളുടെ നികുതിയില്‍ നിന്നാണ് പെൻഷൻ ചോദിക്കുന്നത്. പാവപ്പെട്ടവര്‍ക്ക് പെൻഷൻ വേണം. ജനങ്ങളുടെ അവകാശമാണ് ചോദിക്കുന്നത്. പിണറായിയുടേത് അല്ലാതെ ഏത് പാര്‍ട്ടി വിളിച്ചാലും താൻ പോകുമെന്നും അവര്‍ പറഞ്ഞു.

ഒരുപാട് ആളുകള്‍ കേരളം ഭരിച്ചിട്ടുണ്ട്. ഇത്രയും വൃത്തികെട്ട ഭരണം ഉണ്ടായിട്ടില്ല. എത്ര പെണ്‍കുട്ടികളുടെ വസ്ത്രമാണ് സമരത്തിനിടെ പോലീസ് വലിച്ചുകീറിയത്. സ്ത്രീകളുടെ ശരീരത്തില്‍ തൊടാൻ പുരുഷ പോലീസിന് അനുവാദമില്ല. ഇതൊക്കെയാണ് താൻ വിളിച്ചുപറയുന്നതെന്നും മറിയക്കുട്ടി പറഞ്ഞു.

Post Views: 97

മാസപ്പടിയില്‍നിന്നല്ല പെൻഷൻ ചോദിച്ചത്, പിണറായിയുടേതല്ലാത്ത ഏത് പാര്‍ട്ടിയിലും പോകും- മറിയക്കുട്ടി

ഇ ഡി ബിജെപിയുടെ രാഷ്ട്രീയ ആയുധം’; ഹാജരാകില്ലെന്ന് ഡോ തോമസ് ഐസക്

മോദി വിഗ്രഹപ്രതിഷ്‌ഠ നടത്തുന്നതുകണ്ട്‌ കയ്യടിക്കാൻ താൻ പോകില്ലെന്ന് ശങ്കരാചാര്യ നിശ്‌ചലാനന്ദ സരസ്വതി

Related Posts

ടെലികോം കമ്പനികൾ ഉപയോ​ഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ

Leave a comment

ടെലികോം കമ്പനികൾ ഉപയോഗിക്കുന്ന ചൈനീസ് ഉപകരണങ്ങളുടെ വിശദാംശങ്ങൾ തേടി കേന്ദ്ര സർക്കാർ