ഗൃഹനാഥനെ അക്രമിച്ച് പണം കവർന്നെന്ന പരാതി

By editor on October 6, 2023

0 114 Views

പരാതിക്കാരൻ പ്രതിയായി

സംഭവം പാനൂർ പാത്തിപ്പാലത്ത്

പാനൂർ: പാത്തിപ്പാലത്ത് ഗൃഹനാഥനെ അക്രമിച്ച് പണം കവർന്നെന്ന പരാതിയിൽ അന്വേഷണത്തിനൊടുവിൽ പരാതിക്കാരൻ പ്രതിയായി. പാനൂർ പൊലീസ് നടത്തിയ തന്ത്രപരമായ അന്വേഷണത്തിനൊടുവിലാണ് മൊകേരി കടേപ്രത്തെ സുരേന്ദ്രൻ പ്രതിയായത്.

വീട് കൊള്ളയടിക്കാൻ മുഖംമൂടി ധരിച്ചെത്തിയ കവർച്ചക്കാർ ഗൃഹനാഥനെ ആക്രമിച്ചുവെന്ന പരാതിയിൽ അന്വേഷണം നടത്തിയ പൊലീസ് ഒടുവിൽ നാടകം പൊളിച്ചടുക്കുകയായിരുന്നു. ഇക്കഴിഞ്ഞ ആഗസ്ത് 23 ന് പാനൂർ മൊകേരി കടേപ്രത്ത് സുരേന്ദ്രൻ എന്നയാളുടെ വിട്ടിൽ കവർച്ചാ ശ്രമം നടന്നുവെന്നതിന് രജിസ്റ്റർ ചെയ്ത കേസിൽ പരാതിക്കാരൻ തന്നെ ഒടുവിൽ കുറ്റം സമ്മതിക്കുകയായിരുന്നു.

ഒന്നര മാസം മുമ്പായിരുന്നു സുരേന്ദ്രന്റെ പരാതിയിൽ പോലീസ് കേസെടുത്തിരുന്നത്. എല്ലാം തന്റെ ഭാവനയിൽ വിരിഞ്ഞ നാടകമാണെന്നാണ് പാനൂർ പൊലീസിന് മുന്നിൽ സുരേന്ദ്രൻ വെളിപ്പെടുത്തിയത്.

ഒന്നരമാസം മുമ്പ് ഒരു രാത്രി താൻ വീട്ടിലേക്ക് നടന്നുവരവെ വീട് കുത്തിത്തുറക്കാൻ മുഖം മൂടിധാരികളായ രണ്ടുപേർ ശ്രമിച്ചുവെന്നും തടയാൻ ശ്രമിച്ച തന്നെ കത്തിവീശിയും കൈവിരൽ കടിച്ചും കവർച്ചക്കാർ നേരിട്ടുവെന്നും നിലവിളിച്ചപ്പോൾ അവർ ഓടിപ്പോയെന്നുമായിരുന്നു സുരേന്ദ്രന്റെ അന്നത്തെ മൊഴി.

സി.ഐ എം.പി. ആസാദിന്റെ നേതൃത്വത്തിൽ നടത്തിയ കേസിന്റെ അന്വേഷണത്തിൽ പ്രതികളെ വേഗം പിടിക്കണമെന്നാവശ്യപ്പെട്ട് സുരേന്ദ്രനും പോലീസിനൊപ്പം നിന്നു. എന്നാൽ ഇയാളുടെ പെരുമാറ്റത്തിലെ ദുരൂഹത പോലീസിനെ മറ്റൊരു വഴിക്ക് ചിന്തിക്കാൻ പ്രേരിപ്പിക്കുകയാ യിരുന്നു. വിശദമായ മൊഴിയെടു പ്പിനൊടുവിൽ വിരലടയാള വിദ ഗ്ധരുടെ സഹായം തേടുമെന്ന ഘട്ടമായപ്പോൾ സുരേന്ദ്രൻ തന്നെ ‘നാടക’ത്തെക്കുറിച്ച് തുറന്നു പറഞ്ഞു.

Post Views: 140

ഗൃഹനാഥനെ അക്രമിച്ച് പണം കവർന്നെന്ന പരാതി

പഴയ ഇരുചക്രവാഹനങ്ങൾ മാത്രം കട്ടുകടത്തുന്ന യുവാവിനെ തലശ്ശേരി പോലീസ് വടകര ജയിലിൽ കണ്ടെത്തി

ഭവനനിർമ്മാണത്തിന് ഏഴ്ലക്ഷം രൂപ വായ്പയെടുത്ത വകയിൽ അഞ്ച് ലക്ഷം ബാങ്കിൽ നിന്ന് കൈപ്പറ്റിയസംഭവം

Related Posts

മൂളിപ്പറന്ന് കൊതുകിൻ കൂട്ടം; വീടുവിട്ട് നാട്ടുകാർ

‘പണത്തിന്റെയും നിറത്തിന്റെയും പേരിൽ ഭർതൃമാതാവ് പീഡിപ്പിച്ചിരുന്നു’; ആരോപണവുമായി ജിസ്‌മോളുടെ സഹോദരൻ

കെഎസ്ആർടിസി ബസ്റ്റാൻഡിൽ ബസ്സിന് കുറുകെ ബൈക്ക് വെച്ച് യുവാവ്

Leave a comment