ചിലരെയോര്‍ത്ത് നാണിച്ച് തലതാഴ്‌ത്തേണ്ടി വരുന്നു – ടി.പത്മനാഭന്‍

കണ്ണൂർ: ഉന്നതസ്ഥാനത്തുള്ള ചില മലയാളികളെക്കുറിച്ച് അഭിമാനിക്കുമ്പോൾ ചിലരെ ഓർത്ത് നാണിച്ച് തലതാഴ്ത്തേണ്ട സ്ഥിതിയാണെന്ന് എഴുത്തുകാരൻ ടി.പത്മനാഭൻ. അഭിപ്രായപ്രകടനത്തിന്റെ പേരിൽ വേട്ടയാടപ്പെടുമ്പോഴും നിലപാടിൽ ഉറച്ചുനിന്ന ജോൺ ബ്രിട്ടാസ് എം.പി. മലയാളികൾക്ക് അഭിമാനമാണ്. അതേസമയം സ്ഥാനമാനങ്ങൾക്കുവേണ്ടി തെറ്റായ നിലപാട് സ്വീകരിച്ച പി.ടി. ഉഷയെ ഓർത്ത് നാണിച്ച് തലതാഴ്ത്തുന്നു -പത്മനാഭൻ പറഞ്ഞു. തളിപ്പറമ്പ് മണ്ഡലത്തിൽ സമഗ്ര വിദ്യാഭ്യാസപദ്ധതിയുടെ ഭാഗമായ ‘ടേണിങ് പോയിന്റ്’ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ഭരണഘടന അനുവദിച്ച അഭിപ്രായപ്രകടന സ്വാതന്ത്ര്യം കേന്ദ്രം ഭരിക്കുന്ന പാർട്ടി ഇല്ലാതാക്കുകയാണ്. അഭിപ്രായപ്രകടനത്തിന്റെ...