ഇലക്ട്രിക് ടോയ്കാർ പ്രവർത്തിച്ചില്ല,വ്യാപാരിക്ക് പിഴ ചുമത്തി ഉപഭോക്തൃ കോടതി

കൊച്ചി: പ്രവർത്തനരഹിതമായ ഇലക്ട്രിക് ടോയ്കാർ നൽകി ഉപഭോക്താവിനെ ക മ്പിളിപ്പിച്ചുവെന്ന പരാതിയിൽ അത് റിപ്പയർ ചെയ്തു നൽകുകയോ അതിൻ്റെ വില തിരിച്ചു നൽകുകയോ വേണം നൽകണം. കൂടാതെ 4000 രൂപ നഷ്ടപരിഹാരവും വ്യാപാരി നൽകണമെന്ന് എറണാകുളം ജില്ലാ ഉപഭോക്തൃ തർക്ക പരിഹാര കോടതി.

എറണാകുളം,വടവുകോട് സ്വദേശി അജേഷ് ശിവൻ നൽകിയ പരാതിയിലാണ് ഉത്തരവ്.

ക്രിസ്റ്റൽ ഫാഷൻസ് എന്ന സ്ഥാപനത്തിൽ നിന്ന് 2049/- രൂപയ്ക്ക് തന്റെ കുട്ടിക്കായി വാങ്ങിയ റീചാർജ് ചെയ്യാവുന്ന ടോയ് കാർ പൂർണ്ണമായും പ്രവർത്തിക്കാതിരുന്നെന്നു പരാതിപ്പെട്ടാണ് കോടതിയെ സമീപിച്ചത്.

2023 ഡിസംബർ മാസമാണ് പരാതിക്കാരൻ ഷോപ്പിൽ നിന്ന് ടോയ് വാങ്ങിയത്. ഷോപ്പ് ഉടമ നൽകിയ നിർദേശപ്രകാരം മൂന്ന് മണിക്കൂർ റീചാർജ് ചെയ്തങ്കിലും, കാർ ഉപയോഗിക്കുമ്പോൾ അഞ്ചുമിനിറ്റ് ആകു മ്പോൾ പ്രവർത്തനരഹിതമാകും . ഇത് പലതവണ ആവർത്തിച്ചു.

പരാതിക്കാരൻ പ്രശ്നം ഷോപ്പ് ഉടമയെ അറിയിച്ചെങ്കിലും, പ്രതികരണം മോശമായിരുന്നു. ഇതോടെ പരാതിക്കാരൻ നിയമപരമായ പരിഹാരം തേടി കോടതിയിൽ പരാതി നൽകുകയായിരുന്നു.

45 ദിവസങ്ങൾക്കകം ടോയ് കാർ ശരിയായി റിപ്പയർ ചെയ്യുക അല്ലെങ്കിൽ അതിൻ്റെ വില തിരിച്ചു നൽകണം. (₹2,049/-).
കൂടാതെ,മന: കേശത്തിനും സേവനത്തിലെ പോരായ്മയ്ക്കും പരിഹാരമായി ₹3,000/- രൂപയും
കോടതി ച്ചെലവായി ₹1,000/- രൂപയും 45 ദിവസത്തിനകം നൽകണമെന്ന് ഡി.ബി ബിനു അധ്യക്ഷനും, വി.രാമചന്ദ്രൻ, ടി.എൻ ശ്രീവിദ്യ എന്നിവരുടെ ബെഞ്ച് എതിർകക്ഷിക്ക് ഉത്തരവ് നൽകി.