മൊബൈല്‍ ഫോണും പണവും തട്ടിപ്പറിച്ചു

മൊബൈല്‍ ഫോണും പണവും തട്ടിപ്പറിച്ചു കൊണ്ടു പോയ കേസിലെ പ്രതികളായ ചെമ്മാട് സ്വദേശി ചുള്ളാട്ട് പറമ്പിൽ വീട്ടിൽ ബാബുരാജ് (38 വയസ്സ്), കല്ലായി സ്വദേശി അച്ചത്തോപ്പ് പരമ്പിൽ ഷാജഹാൻ @ ഹൈവെ ഷാജഹാൻ (44 വയസ്സ് ), ബാലുശ്ശേരി തിരുത്തിയാട് സ്വദേശി നാളിയേരികുഴി വീട്ടിൽ റിയ വിജയൻ (42 വയസ്സ്) എന്നിവരെയാണ് കസബ പോലീസ് പിടികൂടിയത്.

കുറ്റ്യാടി സ്വദേശിയായ യുവാവിനെ കോഴിക്കോട് പുതിയസ്റ്റാന്റിൽ ബസ്സിറങ്ങിയ ശേഷം ശ്രീകണ്ഡേശ്വര ക്ഷേത്രത്തിലേക്ക് പോകുമ്പോള്‍ ഗംഗ ടാക്കീസിന് സമീപത്ത് വെച്ച് പ്രതികൾ ബലമായി പിടിച്ചു വെക്കുകയും, ഭീഷണിപ്പെടുത്തി കീശയിൽ നിന്നും പണവും മൊബൈൽ ഫോണും പിടിച്ചു പറിച്ചുകൊണ്ടു പോവുകയായിരുന്നു. തുടർന്ന് യുവാവിന്റെ പരാതിയില്‍ കസബ പോലീസ് കേസ് രജിസ്റ്റർ ചെയ്ത് അന്വേഷണം നടത്തുകയും, സമീപപ്രദേശങ്ങളിലെ CCTV ദൃശ്യങ്ങൾ പരിശോധിച്ചതിൽ നിന്നും പ്രതികളെ പറ്റി മനസ്സിലാക്കുകയും, കസബ പോലീസ് സ്റ്റേഷനിലെ ഇൻസ്പെക്ടർ ജിമ്മിയുടെ നേതൃത്വത്തിൽ SI മാരായ സനീഷ്, നിധിൻ, ASI ജിജി നാരായണൻ, SCPO വിപിൻ ചന്ദ്രൻ, CPO മാരായ നിമേഷ്, അമൃത എന്നിവർ ചേർന്ന് പ്രതിയെ ഗംഗാ തിയ്യേറ്ററിന് സമീപം വെച്ച് കസ്റ്റഡിയിൽ എടുക്കുകയുമായിരുന്നു. പ്രതികൾക്ക് പിടിച്ചുപറിയ്ക്കും, മോഷണത്തിനും, പൊതുസ്ഥലത്ത് വെച്ച് കലഹസ്വഭാവമായി കണ്ടെതിനും മറ്റുമായി വിവിധ പോലീസ് സ്റ്റേഷനുകളിലായി നിരവധി കേസുകൾ നിലവിലുണ്ട്.