ഉറങ്ങുമ്ബോള്‍ നമ്മളറിയില്ല..! മാരകമായ ‘ചുംബന പ്രാണി’ ഇതുവരെ ബാധിച്ചത് ഒരു ലക്ഷത്തിലധികം പേരെ, അതെന്താണ്, എങ്ങനെ ജീവൻ രക്ഷിക്കാം’?

By editor on September 7, 2025

0 95 Views

മാരകമായ ഒരു പരാദരോഗത്തെക്കുറിച്ച്‌ ശക്തമായ മുന്നറിയിപ്പ് നല്‍കിയിരിക്കുകയാണ് ആരോഗ്യ വിദഗ്ധർ . ‘ചാഗാസ് രോഗം’ എന്നറിയപ്പെടുന്ന ഈ അസുഖം, സംസ്ഥാനത്ത് ഒരു ലക്ഷത്തിലധികം ആളുകളെ ബാധിച്ചിട്ടുണ്ടാകാം എന്നാണ് കണക്കുകള്‍.

ട്രയാറ്റോമൈൻ ബഗ് എന്നറിയപ്പെടുന്ന, അപകടകാരിയായ “കിസ്സിംഗ് ബഗ്” പരത്തുന്ന ട്രൈപനോസോമ ക്രൂസി എന്ന പരാദമാണ് ഈ രോഗത്തിന് കാരണം.

ലാറ്റിൻ അമേരിക്കയില്‍ സാധാരണയായി കണ്ടുവരുന്ന ഈ രോഗം, ഇപ്പോള്‍ കാലിഫോർണിയയിലും വ്യാപകമാകുന്നു എന്നതാണ് ആശങ്കയുണ്ടാക്കുന്ന പ്രധാന കാര്യം. ലോസ് ഏഞ്ചല്‍സിലെ ഗ്രിഫിത്ത് പാർക്ക് പോലുള്ള സ്ഥലങ്ങളിലെ വുഡ് എലികള്‍, റാക്കൂണുകള്‍ എന്നിവയുള്‍പ്പെടെയുള്ള പ്രാദേശിക വന്യജീവികളില്‍ ഈ പരാദം സജീവമായി കാണപ്പെടുന്നുണ്ട്. ഇത്, രോഗം ഇപ്പോള്‍ പ്രാദേശികമായി പകരുന്നു എന്നതിന്റെ സൂചനയാണ് നല്‍കുന്നത്. അമേരിക്കയില്‍ കാണപ്പെടുന്ന ട്രയാറ്റോമൈൻ വണ്ടുകളില്‍ നാലെണ്ണം കാലിഫോർണിയയിലാണ് ഉള്ളത്.

‘ചുംബന മൂട്ട’ എന്ന പേര് വരാൻ കാരണം, മനുഷ്യൻ ഉറങ്ങുമ്ബോള്‍ മുഖത്ത് കടിക്കുന്ന സ്വഭാവം ഇവയ്ക്ക് ഉള്ളതുകൊണ്ടാണ്. ചോര കുടിച്ച ശേഷം കടിയേറ്റ ഭാഗത്തിന് സമീപം ഇത് മലമൂത്ര വിസർജ്ജനം നടത്തുകയും ചെയ്യുന്നുണ്ട് ഇവ. ഈ മലം അറിയാതെ ചൊറിയുകയോ, ചർമ്മത്തില്‍ ചേരുകയോ ചെയ്യുമ്ബോള്‍ പരാദം ശരീരത്തില്‍ പ്രവേശിക്കുന്നു.

ചാഗാസ് രോഗത്തിന് രണ്ട് ഘട്ടങ്ങളുണ്ട്. ആദ്യഘട്ടമായ നിശിത ഘട്ടത്തില്‍, നേരിയ ലക്ഷണങ്ങള്‍ മാത്രമാണ് ഉണ്ടാകുന്നത്. ചിലപ്പോള്‍ ലക്ഷണങ്ങള്‍ ഒന്നും തന്നെ കാണിക്കണമെന്നില്ല. ഇത് ആഴ്ചകളോ മാസങ്ങളോ നീണ്ടുനിന്നേക്കാം. അതുകൊണ്ട് തന്നെ രോഗം തുടക്കത്തില്‍ കണ്ടെത്താൻ വളരെ പ്രയാസമാണ്.

രോഗം അടുത്ത ഘട്ടത്തിലേക്ക് കടക്കുമ്ബോള്‍, അത് വർഷങ്ങളോളം നിഷ്ക്രിയമായി തുടർന്നേക്കാം. ഈ ഘട്ടത്തില്‍, ഹൃദയസംബന്ധമായ ഗുരുതരമായ പ്രശ്നങ്ങള്‍ക്ക് ഇത് കാരണമാകും. ഹൃദയത്തിന്റെ വലുപ്പം വർധിക്കുക, ഹൃദയസ്തംഭനം, അല്ലെങ്കില്‍ പെട്ടെന്നുള്ള ഹൃദയാഘാതം എന്നിവയിലേക്ക് ഇത് നയിച്ചേക്കാം. ചില ആളുകള്‍ക്ക് അന്നനാളത്തിലോ വൻകുടലിലോ ഉണ്ടാകുന്ന വീക്കം പോലുള്ള ദഹനപ്രശ്നങ്ങളും അനുഭവപ്പെടാം.

ഈ മാരകമായ രോഗത്തെക്കുറിച്ച്‌ അമേരിക്കയില്‍ ഇപ്പോഴും വേണ്ടത്ര അവബോധമില്ല എന്നതാണ് വസ്തുത. അതിനാല്‍, രോഗത്തെക്കുറിച്ച്‌ കൂടുതല്‍ ബോധവല്‍ക്കരണം നല്‍കണമെന്നും, കൃത്യമായ പരിശോധനാ സംവിധാനങ്ങള്‍ ഏർപ്പെടുത്തണമെന്നും ആരോഗ്യ വിദഗ്ധർ ആവശ്യപ്പെടുന്നുണ്ട്. നേരത്തെയുള്ള രോഗനിർണയവും ചികിത്സയും ഗുരുതരമായ ആരോഗ്യപ്രശ്നങ്ങള്‍ ഒഴിവാക്കാൻ സഹായിക്കും. രോഗം സംശയിച്ചാല്‍ ഉടൻ തന്നെ ഒരു ഡോക്ടറെ സമീപിക്കേണ്ടത് അത്യാവശ്യമാണ്.

Post Views: 99

Uncategorized

കുന്നംകുളം കസ്റ്റഡി മര്‍ദനത്തില്‍ നടപടിയുണ്ടാകുമെന്ന് സുരേഷ് ഗോപി; ‘നാട്ടില്‍ നടക്കുന്നത് അടിയന്തരാവസ്ഥ’

ബല്‍റാമിനെ എവിടെനിന്നും പുറത്താക്കിയിട്ടില്ല,സുധാകരന് വിമര്‍ശിക്കാം, പക്ഷേ….’; അതൃപ്തിയോടെ സതീശൻ

Related Posts

Leave a comment