നാലു മാസം കൊണ്ട് 18 കിലോ കൂടി!!! കൊടും കുറ്റവാളിക്ക് വീണ്ടും ജയിലില്‍ സുഖവാസം; ശരീരഭാരം 55ല്‍ നിന്ന് 73 ലേക്ക്

കണ്ണൂർ: കൊടും കുറ്റവാളി ഗോവിന്ദചാമി എന്ന ചാർളി തോമസിന് വീണ്ടും ജയിലില്‍ സുഖവാസം. നാല് മാസം കൊണ്ട് 18 കിലോയാണ് കൂടിയത്.

ഇതോടെ ഗോവിന്ദചാമിയുടെ ഭാരം 55ല്‍ നിന്ന് 73 കിലോയായി.

ചപ്പാത്തി മാത്രം കഴിച്ചാല്‍ ശരീരഭാരം കുറച്ചാല്‍ കേരളത്തിലെ ജയില്‍ നിന്ന് പുഷ്പം പോലെ പുറത്തു കടക്കാമെന്ന് തെളിയിച്ചയാണ് ഗോവിന്ദചാമി. കഴിഞ്ഞ ജൂലൈ 24 നാണ് ഇയാള്‍ കണ്ണൂർ സെൻട്രല്‍ ജയിലില്‍ നിന്നും ചാടിയത്. അന്ന് 55 കിലോയായിരുന്നു ഭാരം. 74 കിലോയുണ്ടായിരുന്ന ഗോവിന്ദചാമി ജയില്‍ ചാടാനായി 55 ആയി കുറച്ചിരുന്നു. പത്ത് മാസം കൊണ്ടാണ് ശരീരം ഭാരം കുറച്ചതെന്നാണ് ജയില്‍ അധികൃതർ പറയുന്നത്. അക്കാലത്ത് ഉച്ചയ്‌ക്കും രാത്രിയും രണ്ട് വീതം ചപ്പാത്തി മാത്രമാണ് ഇയാള്‍ കഴിച്ചത്.

സെൻട്രല്‍ ജയിലില്‍ നിന്നും ചാടിയ ഗോവിന്ദചാമിയെ നാല് കിലോ മീറ്റർ അകലെയുള്ള കിണറ്റില്‍ നിന്നാണ് പിടിച്ചത്. അതിനുശേഷം വിയൂരിലെ ഏകാന്ത ജയിലേക്ക് ഇയാളെ മാറ്റിയിരുന്നു. 2011 ലാണ് ഇയാള്‍ വധക്കേസില്‍ ശിക്ഷിക്കപ്പെട്ട് ജയില്‍ എത്തിയത്.